Жемишледен бла наныкъладан - бай тирлик

3 февраля, 2021 - 08:35

Былтыр Къабарты-Малкъарда жемишледен бла наныкъладан 517 минг тонна жыйылгъанды. Россейни Эл мюлк министерствосундан билдиргенлерича, къыралны мюлклерини барысында да жемишледен бла наныкъладан  3,6 миллион тонна тирлик аланнганды. Ол былтыр  бла тенглешдиргенде 2,2 процентге кёпдю. Озгъан жылда Къабарты-Малкъарны аграрчылары да жемишледен бла наныкъладан 517,3 минг тонна алгъандыла, былтырдан эсе 48 процентге аслам. Андан 446 минг тонна неда 85 проценти эл мюлк организациялагъа, элчи фермер мюлклеге эм энчи предпринимательлеге жетеди. Башхача айтханда, къыралда жыйылгъан тирликни ючден бири бизни республиканы промышленный  бёлюмюне жетеди.

Агропромышленный комплексни аллай ахшы жетишимле болдуралгъаныны баш сылтауларындан бирлери  республикада терк айныгъан терек бахчаланы санына танг къошула баргъанындады эм мюлкледе  инновация технологияланы тири хайырланнганларынданды. Бу жаны бла Къабарты- Малкъар алчы регионланы санында болгъанын да белгилерчады. 

 

Магометланы Сулейман.
  • 22 просмотра
Поделиться: