Сютге бла андан жарашдырылгъан ашарыкълагъа – энчи эс

Роспотребнадзорну Къабарты-Малкъарда Управлениясы, чыгъарылгъан эмда сатыуда болгъан сют продукцияны качествосуна дайым кёз-къулакъ болгъанлай турады. Ведомствону специалистлери былтыр производстволада эмда тюкенледе 114 тинтиу бардыргъандыла. Аланы кезиуюнде сютню санитар-химия эмда микробиология мардалагъа келишгенин билир ючюн 412 проба алыннганды. Химия веществола (мышьяк, гинасуу, къоргъашин, кадмий дегенча ауур темирле), радионуклидле, генно-инженерный тюрлендирилген организмле биринде да табылмагъандыла. Микробиология жаны бла уа 493 проба тинтилгенди. Аладан тийишли мардалагъа 24 (4,8 проценти) келишмегенлери тохташдырылгъанды.

Контроль-надзорлукъ ишлени чеклеринде асламысында ма быллай бузукълукъла ачыкъланнгандыла: сырьёну эмда аш-азыкъланы тапсыз жерледе тутуу, ишчиле медицина къарауланы заманында ётюуню эмда сатыу-алыуда талай жорукъланы сансыз этиу, Таможня союзну техника регламентине келишмеген сют продукцияны сатыу…

Управленияны специалистлери былтыр  сатыудан сют продукцияны 22 партиясын  (236 килограмм) кетергендиле. Россей Федерацияны санитар-эпидемиология жаны бла законодательствосуна, техника регулированиягъа эмда хайырланыучуланы эркинликлерине бузукълукъ этилгени ючюн 1162 минг сом багъасы  60 административ бегим жазылгъанды. Сют продукцияны качествосуна эмда къоркъуусузлугъуна Управление дайым контроль этгенлей турлукъду, деп билдиргендиле аны пресс-службасындан.    

 

Омарланы Мурат.
Поделиться: