Жашау журтланы санына къошулады

Къабарты-Малкъарда быйыл сегиз айгъа 14,1 миллиард сом багъасына къурулуш бардырылгъанды. Ол былтыр бу заман бла тенглешдиргенде, 100,3 процентге кёпдю, деп билдиредиле Кавказстатдан.

Жыл башланнганлы предприятияла бла  организацияла эм энчи иелиле 205,2 минг квадрат чакълы 1891  фатар ишлегендиле. Былтыр бла тенглешдиргенде, ол  21,7 минг квадрат метрге неда 11,8 процентге асламды. Ол санда эл жерледе 96,6минг квадрат тенгли бир  893  фатар ишленнгенди. Ол саулай республикада ишленнген жашау журтланы   47,1 процентиди.

Кёп фатарлы юйле ишлеген къурулуш организацияла быйыл сагъынылгъан кезиуге 26,2минг квадратха жууукъ 382 фатар салгъандыла. Озгъан жыл бла тенглешдиргенде, ол  12,8 процентге кёпдю.

Энчи предпринимательле 179,0 минг квадрат метрге кёп къалмай  1509 юй салгъандыла. Ол да былтыр бла тенглешдиргенде, 23,7 процент болады. Саулай айтханда, республикада жашау журтланы къурулушуну 87,2 проценти энчи иелеге жетеди.

 

Магометланы Сулейман.
Поделиться: