Ставропольдан – кёп майдал бла

Ставрополь крайны кикбоксингден биринчилигине бла чемпионатына Россейни Югуну 40 эм иги спорт школундан 330-гъа жууукъ гёжеф къатышханды. Ала  кикбоксингни «фулл-контакт» эм «фулл-контакт лоу-кик бла» деген бёлюмлеринде эришгендиле.
    
Чемпионатны эсеплерине кёре, Къабарты-Малкъардан спортчула 41 майдал къытхандыла – 27 алтын, 8 кюмюш эмда 6 доммакъ. Битеукоманда зачётда бизникиле экинчи жерге чыкъгъандыла, биринчи жерни Кисловодскну командасы алгъанды. Спортчуларыбызны тренерле Къудайланы Алим бла Залим, Айдин Саралидзе, Кючменланы Рустам, Хазрет бла Зубер Бецуковла юйретедиле.

Кульчаланы Зульфия.
Поделиться: