Гюлюйланы Тамирлан – Россейде ючюнчю

     Белгород областьны Старый Оскол шахарында ауур атлетикадан Россейни биринчилиги бардырылгъанды, анга 15 эм 17 жыллары толмагъан жашла бла къызла къатышхандыла.
    Гитче жыл сан къауумда Элбрус районну олимпиада резервли   спорт школундан Гюлюйланы Тамирлан эришгенди, ол алгъаракъда Москваны биринчилигинде хорлагъан эди. Аны ауурлукъ къауумунда (49 кг.) дагъыда 19 адам сынашхандыла. Штанганы сермеп алыуда ол, юч кересин да тап хайырланып, 71 килограммны кётюргенди. Штанганы тюртюп экинчи кере алгъанында уа, чурум чыгъып, ахыр эсеби азыракъ болгъанды. Битеу да 159 килограммны кётюрюп, Тамирлан кюмюш майдалны къытханды.
    - Биз Старый Осколгъа саугъа жер ючюн баргъанбыз да, кюмюш майдал ахшы эсепди. Мында Тамирлан, эки килограммгъа кёпню кётюрюп, Москвадагъы кёрюмдюсюн игилендиргенди. Энди келир эришиулеге хазырланырыкъбыз, - дегенди жаш гёжефни тренери Муаед Шаов.

Суратда: Гюлюйланы Тамирлан тренери Муаед Шаов бла.