Жолчула къыстау къармашадыла

Кёп болмай КъМР-ни Правительствосуну Председателини орунбасары   Муаед Кунижев бла Нальчик шахар округну администрациясыны башчысы Таймураз Ахохов  «Къоркъуусуз эмда тынгылы  автомобиль жолла» деген миллет проектни чеклеринде  Киров орамда   ремонт ишле  къалай баргъанлары бла шагъырейленнгендиле, деп билдириледи мэрияны пресс-службасындан.  

Бюгюнлюкде жолну    Байсултан улу орамдан  Балкарскаягъа  дери  кесегинде асфальтны  биринчи къатысын  жайып  бошай турадыла.   Башха жерледе да кёп тюрлю жумуш этиледи. Сёз ючюн,  биринде алкъынчы    коммунакацияла бла кюреше эселе, экинчисинде   жаяу жолла, кече жарыкъ, болурча этиледиле, жауун суу саркъырча арыкъла къураладыла.    Жууукъ заманда   Мальбаховдан  Головко орамгъа дери участокда да  жолгъа асфальт  салыу   жумушла  тамамланыллыкъдыла