Пенсиячылагъа таплыкъгъа

Сбербанкны Къабарты-Малкъарда бёлюмюнден билдиргенлерине кёре, энди абери сатып алыргъа кредитлени жетмиш жыллары толмагъанла да алыргъа боллукъдула. Ол кеси да залогсуз берилликди.
Ары дери уа аллай ёнкючню инсаннга 65 жылы толгъунчу бергендиле. Кредитни банкны офислеринде неда «Сбербанк Онлайн» системада жарашдырыргъа боллукъду.
«Пенсиягъа чыкъгъан кёпле хайырланадыла быллай финанс амалланы. Сёз ючюн, уруннган пенсиячыланы ючден бири энчи счётла («Толтур», «Сакъла», «Пенсионный плюс») ачадыла, аладан 80 проценти дебетлик карточкала жюрютедиле, онюч процентини уа къолунда кредит карточкасы барды. 
  - «Мобиль банкны» хайырын кёргенлени саны да асламды. Биз аллай клиентлерибизге мындан арысында да тийишли онгла берирге, ёнкюч ахча алыу жаны бла сурамларын жалчытып турургъа таукелбиз. Сагъынылгъан амал да ма ол хыйсап бла къуралгъанды», - деп белгилегенди банкны КъМР-де бёлюмюню башчысы Хамидби Урусбиев.