Экологияны гитчеликден аяй билир ючюн

Сабийлеге экология жаны бла билим берир умутда Нальчикде экинчи номерли лицейни гитче классларында окъугъанлагъа деп бу кюнледе «Гитчеликден окъуна экопознание» деген акция бардырылгъанды. Ол «Эко Нальчик» жамауат организацияны башламчылыгъы бла, кеси да КъМКъУ-ну «Жашил дозор» деген экология къаууму, КъМР-ни Табийгъат байлыкъла эмда экология министерствосуну эмда шахарны администрациясыны болушлугъу бла къуралгъанды, деп билдиргендиле мэриядан.
Бу иш оюн халда бардырылгъанды, сабийле да анга бек сюйюп къатышхандыла. Ол кюн ала тас бола баргъан, кеслери да Къызыл китапха тюшген жаныуарланы бла битимлени юслеринден кёп сейирлик хапарла эшитгендиле. Экология викторинада уа аны эм кёрген затларыны юсюнден билгенлерин ачыкълагъандыла.