Тютюнню, ичгини, наркотиклени хатасын ангылатхандылаТёрт мингден аслам студент бла школчу къатышхандыла «Сабийлерибизни саулукълары эм къоркъуусузлукълары ючюн» деген акцияны экинчи бёлюмюне. Окъуу жылны аллында бери КъМР-де МВД-ны Наркотиклеге къажау управлениясыны полициячылары, Саулукъ сакълау эм Жарыкъландырыу, илму эм жаш тёлюню ишлери жаны бла министерстволаны, башха жууаплы органланы келечилери республиканы 36 билим бериу учреждениясында лекцияла бла болгъандыла. Алада уа сёз саулукълу жашауну жорукъларыны, тютюн, ичги, наркотикле жаш адамны саулугъуна салгъан заранны юслеринден баргъанды, законланы бузгъанла тартылгъан жууаплылыкъны да ангылатхандыла. Жаш адамланы сюзюлген темалагъа сейирлери уллу болгъанын белгилерчады. Ала, къонакълагъа соруула берип, ууну хатасыны юсюнден кеслерини оюмларын айтхандыла. - Жашау – адамгъа саугъаланнган байлыкъды. Аны ючюн а тюз сайлау этигиз, спорт, илму, чыгъармачылыкъ бла кюрешигиз, жамауатха хайыр келтирген инсанла болуп ёсюгюз,-деп насийхат этгенди тюбешиуледе Наркотиклеге къажау управленияны тамата оперуполномоченныйи Ирина Давыдова. Врач-нарколог Артур Пачев а тютюн адамны саулугъуна салгъан хатаны юсюнден тынгылы айтханды, ол хар жылдан да Россейде андан орта эсеп бла 400 минг адам ёлгенин билдиргенди.
Поделиться:
Читать также:
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
|