Иги окъугъанлагъа - Россельхозбанкдан стипендияла

«Алтын кюз арты»  деген  21-чи эл мюлк  кёрмючде «Россельхозбанкны» правленини таматасы Борис Листов 2019-2020 окъуу жыллада  54  аграр университетни   иги окъугъан студентлерине  банк стипендияла тёлеп башларыгъын билдиргенди.  Программагъа Къабарты-Малкъар къырал Аграр университет да киргенди. 

Бу жол энчи стипендияла  онеки айны ичинде иги окъугъан эм илму жаны бла да тири кюрешген, ол санда олимпиадалагъа  къатышхан, 300 студентге тёленирикди.  

- Иги кадрла болмай миллет проектлени жашауда бардырыргъа, ол санда Россейни агропромышленный комплекси халкъла аралы рынокда биринчилени санында  болурча этерге онг жокъду, - дегенди  Борис Листов. 

Финанс учржденияны КъМР-де бёлюмюню таматасы Алим Сокуров да стипендияла  жаш адамланы  окъургъа кёллендирлик иги амал болгъанын чертип айтханды. 

 

Магометланы Сулейман.
Поделиться: