Россейни биринчилигине сайланнгандыла

Ессентукда къатыш аскер единоборстволадан СКФО-ну биринчилиги бардырылгъанды. Анга битеу шимал республикаладан жаш спортчула къатышхандыла.

Анда республикабызны жыйымдыкъ къаууму битеукоманда эсепде экинчи жерни алгъанды. Кеслерини ауурлукъ къауумларында Ахмат Макоев, Аппаланы Амир, Имран Мансуров, Отарланы Алийхан бла Тамерлан Тлехураев     хорлагъандыла. Спортчуларыбыз дагъыда беш кюмюш бла онеки доммакъ майдал къытхандыла.

 Биринчи эм экинчи жерлени алгъанла Россейни биринчилигинде сермеширикдиле, ол а апрельде 16-17-жыллыкъланы араларында Сочиде эм 12-15-жыллыкъланы араларында уа Чебоксарыде боллукъду.

 

Кульчаланы Зульфия.
Поделиться: