Хорламгъа итиниулюк таркъаймайды

Чегем шахар энтта да  «Гитче шахарчыкълада бла  элледе иги болум къурау» деген битеуроссей конкурсха  къатышыр муратлыды. 

Проектге кёре, бу жол 1,5 гектар тенгли бирде  шахарны стадионуну  аллы тапландырыллыкъды. Анга чеклеринде  Чегем сууну жагъасыны  бир кесеги  да  кирликди.  

Ишлени кезиуюнде адамла  солурча,  спорт бла кюреширча эм башха  майданла къураллыкъдыла. Алыкъын аны къаллай боллугъу толусунлай белгили тюйюлдю, шахарчыланы сайлауларына кёре къурашдырыллыкъды.   

Аны  бла байламлы  элли адам къатышып, биринчи воркшоп бардырылгъанды.  Аны чеклеринде  бизнесни, спортну, чыгъармачылыкъ араланы  келечилери, абаданла,  жаш тёлю эм башхала да оюмларын билдиргендиле. 

Жууукъ заманда ишчи къауум, сагъынылгъан эсгертиулени эсге алып, проектни тынгылы хазырларгъа керек  боллукъду.

Эсге сала айтсакъ, ёз шахарын игилендирирге излеген  инсан бу сылкада  https://clck.ru/38xKYX оюмун билдираллыкъды.