Жаш боксчулада - майдаллаСтаврополь крайны Суворовская станицасында боксдан 18 жыллары толмагъан спортчуланы араларында СКФО-ну биринчилиги бардырылгъанды. Анда 80 килограммгъа дери ауурлукъда алтын майдалны «Эльбрус» спорт школдан Аслан Шавердинов къытханды. Эм алгъа ол болжалдан алгъа Шимал Осетия-Аланияны келечисин хорлагъанды, экинчи раундну ортасында рефери аланы сермешлерин Аслам иги да кючлю болгъаны ючюн тохтатхан эди. Жарым финалда да чеченли спортчуну 5:0 эсеп бла, ахырында уа Дагъыстандан гёжефни да къытханды, алай бла Россейни биринчилигинде сермеширге эркинликни къоруулагъанды. Аны эришиулеге тренерле Балаланы Илияс бла Гергъокъланы Ахмат хазырлагъандыла. Элбрус райондан дагъыда бир боксчу – Кёнделенден Балаланы Ануар, 48 килограммгъа дери ауурлукъда эрише, домакъ майдалны алгъанды. Аны тренер Балаланы Альберт хазырлагъанды.
Поделиться:
Читать также:
23.04.2024 - 17:05 →
«ЖАШ ТЁЛЮГЕ КЪАЙГЪЫРЫУ БАШ БОРЧУБУЗДУ»
19.04.2024 - 13:10 →
Тёзюмлю эм ышаннгылы къаячы
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
|