Спорт мекям къоллу боллукъдула

Шалушкада былтыр спорт комплексни эмда футбол майданны къурулушлары башланнган эди. Ишле «Эл тийрелени комплекс халда айнытыу» къырал программаны чеклеринде бардырыладыла. Шёндюге дери анда эски объектлени оюп кетергендиле, жангысыны мурдорун да салгъандыла. Энди уа ишчиле къабыргъаланы эмда хуналаны къалай турадыла, тапкаланы да жарашдырадыла.

Быйылны ахырына анда эки къатлы спорткомплекс боллукъду. Анда уа: спортзалы, гимнастика эмда теннис бла кюреширча заллары, медицина бёлюм, тренерлеге отоула, дагъыда эркин тутушуу эмда бокс бла кюрешгенлеге онгла къураргъа дейдиле.

Комплексни къатында сагъынылгъан майдан ачыллыкъды. Ол он минг квадрат метрлик боллукъду, юсюнде уа жалгъан кырдык жаярыкъдыла.

Улбашланы Мурат хазырлагъанды.
Поделиться: