Къоркъуусузлукъну ышаннгылы мадарлары

 Къабарты-Малкъарда «Къоркъуусуз  республика» комплексни айнытыу ишле кезиу-кезиу бардырыла туруучудула. Аны чеклеринде социал объектледе, кёп адам жыйылыучу жерледе, школлада, сабий садикледе, административ мекямлада эмда уллу сатыу-алыу комплекследе видеокамерала орнатадыла. Бу жол да, кёп болмай, Нальчикде 14-чю номерли сабий садикде оналты камераны специалистле системагъа къошхандыла.

Республиканы Транспорт эмда жол мюлк министерствосунда айтханларына кёре, быллай камерала жер-жерледе болумну тюзюнлей кёргюзтюп турадыла. Ала кёп тюрлю объектледе, учреждениялада, транспорт инфраструктурада къоркъуусузлукъну жалчытыуда бек хайырлыдыла.

Улбашланы Мурат.
Поделиться: