Ачыгъан болмагъанды

Тюнене 18 сагъат 22 минутда Нальчикде «Дубки» сатыу-алыу араны тийресинде орналгъан тюкенлени бир къауумуну башлары жана турады,  деген билдириу РФ-ни МЧС-ини КъМР-де Баш управлениясыны дежурныйлерине билдириу келгенди.

Ары 33 адам бла 6 техника тебиреп, отну ёчюлтюп  башлагъан эдиле. Ала келгенде ёртен  250 квадрат метрге жайылып тура эди, къумачла  эм сабий илляула  сатхан тюкенлени башларын алып эди. Къутхарыучула аны толусунлай ёчюлтюр ючюн сагъат бла жарым кюрешгендиле.

- Насыпха, от тюшюуню кезиуюнде ачыгъан бла ёлген болмагъанды. Тюшген къоранч тохташдырыла турады, - деп билдиреди ведомствону пресс-секретары Кантемир Беров.