Уллу борчлары болгъаннга да къарамай …

Бюгюнлюкде Къабарты-Малкъарда  «Россети Северный- Кавказ»  компаниягъа  ток ючюн кёп заманны тёлемей тургъанланы  бирлерине  суу  эм жылыу бла жалчытхан организацияла саналадыла. Саулай алып айтханда,  аланы 1,9 миллиард сом чакълы берликлери барды. Ол санда  «Нальчикский водоканал»  предприятие 156 миллион сом эм "Нальчикские тепловые сети" биригиу да 277 миллион сом. 

Борчну  танг кесеги неда 192,6 миллион сому  былтырдан кёчюрюлгенди.  Сагъынылгъан кезиуде  предприятие борчуну  жаланда 28,8  процентин жабалгъанды.

 Жашау журт-коммунал мюлк предприятияла ток ючюн борчларын жабалмагъанлары иги кесек заманны  жарсытады. Алгъаракълада ишчи кенгешде бу проблеманы юсюнден  Россей Федерацияны Президентини Шимал-Кавказ федерал округда толу эркинликли келечисини болушлукъчусу  Сергей Никитин да сагъыннганды. Ол айтханнга кёре, борчланы дайым ёсе баргъанларына  предприятияланы банкрот болгъанлары себеплик этеди. Ол схемагъа кёре, эскини орунуна жангысы къуралады,  ол да кёп бармай борчла этеди.

Болсада энергетикле къырал таматаланы себеплиги бла эм законодательствону кючю бла толсунлай тёлеулени   алыр  умутлудула. 

Поделиться: