Саулугъуна керекли саугъа бергендиле

«Муратланы назы тереги» битеуроссей акция андан ары барады. Бу кюнледе уа Росгвардияны КъМР-де Управлениясыны «Эльбрус» отрядыны келечилери Тембулат  Исуповну тилегин толтургъандыла. Управленияны башчысы полицияны полковниги Сергей Васильевни буйругъу бла аскерчиле Тембулатха саулугъу бла байламлы керекли арбачыкъ бергендиле.

- Бу акция къыйын  жашау болумгъа тюшген сабийлеге къайгъырыр ючюн  къуралгъанды, алагъа байрамны жарыкълыгъын жетдирирге болушады,-дегенди къауумну башчысы   Азамат Суншев.