Россейни байрагъын Гара Шхайты тау тёппеде орнатхандыла

12 июньда Тырныауузда Къулийланы Къайсын атлы Маданият юйню аллында майданда уллу байрам концерт болгъанды. Районну жырчы эмда тепсеу къауумлары кеслерини хунерликлерин бир да аямагъандыла. Жаш тёлю юч тюрсюнлю россейли байракъладан ариу флешмоб къурагъандыла. 
Къараучулагъа  россейли къыраллыкъны къуралыу жолуну юсюнден хапар айтылгъанды. Къууанчлы ишлеге район эмда шахар администрацияланы башчылары, предприятияланы, учрежденияланы эмда организацияланы коллективлери къатышхандыла.
Жыйылгъанланы алгъышлай, Элбрус районну администрациясыны башчысы Залийханланы Къаншаубий  бу байрам къыралыбызны сюйгенлени, аны бла ёхтемленнгенлени, аны адет-тёрелерин багъалагъанланы,  келир заманы аламат боллугъуна ийнаннганланы бирикдиргенин чертип айтханды. 
Ол кюн  Элбрус районну Жаш депутатларыны советини башчылыгъы бла дагъыда бир акция болгъанды – Тырныауузда Гара Шхайты тауну тёппесинде – 1800 метр бийикликде - Россей Федерацияны бла Къабарты-Малкъарны байракълары орнатылгъандыла. Къаячыланы жолгъа жер-жерли самоуправленияны советини таматасы Отарланы Исмайыл ашыргъанды.Депутатла бир сагъатха тау тёппеге жетгендиле. Энди шахарны къалайындан да кёрюрге боллукъду анда байракъланы чайкъалгъанларын.
 
 

 

Алиса Тарим, Элбрус районну администрациясыны пресс-службасыны башчысы.

Свежие номера газет Заман


20.06.2018
18.06.2018
14.06.2018
13.06.2018