Владимир Путинни айырыу штабы ишин башлагъанды

Бюгюнлюкде къырал башчыбыз болуп тургъан Владимир Путинни айырыу штабы Москвада кесини ишин башлагъанды. Белгилисича, Путин март айда бардырыллыкъ президент айырыулагъа къатышырыкъды, деп билдиреди ТАСС.

Штабда волонтерла эм алагъа оноу этгенле орналлыкъдыла, анда иш сау кюнню ичинде бардырыллыкъды. Регионлада орналгъан штабла бла байламалыкъ тохташмагъанлай бардырылгъанлай турлукъду. Айырыула бардырылгъан кезиуде къол кётюрюу ишни къалай ётдюрюрге кереклисини юсюнден дерсле да боллукъдула штабда. Ол жумуш бла юристле кюрешедиле.

 Владимир Путинни штабыны сопредседательлерине актер Владимир Машков, врач Марьяна Лысенко эмда ДНР-ни парламентини спикери Артем Жога сайланнгандыла.

РФ-ни Ара айырыу комиссиясыны жыйылыуунда айырыучуланы къауумун эсепге алгъандыла, ала 2024 жылда март айда бардырыллыкъ президент айырыулада Владимир Путин жанлы болуп ишлер умутлудула. Ол шарт алагъа Сбербанкда энчи счёт ачып, 300 минг адамдан къол ызларын алыргъа онг береди эмда айырыулагъа къатышырыкъланы эсебине тюшерге.  Алыннган къол ызланы Ара айырыу комиссиягъа 31 январда ингирликде сагъат алтыдан кеч къалмай берирге керекди, деп айтылады билдириуде.

 

Поделиться: