Азияны чемпионатына къатышырыкъдыла Каратени WKC тюрлюсюнден Россейни кезиулю онтёртюнчю кубогу бардырылгъанды, анга къыралны 16 регионундан эм кючлю 700-ге жууукъ спортчу къатышхандыла. Къабарты-Малкъарны атындан анда аскер искусстволаны «Барс-Тырныауз» академиясындан Этезланы Владимир бла Ангелина Лазаренко сермешгендиле. Ангелина, 18 жылдан абадан тиширыуланы араларында эм кючлю болуп, алтын майдалны алгъанды. Владимир эр кишилени эм ветеранланы араларында экинчи жерлеге чыкъгъанды. Бу эришиуде саугъа жерлеге тийишли болгъанлагъа Россейни жыйымдыкъ командасына кирирге эм аны санында Азияны ачыкъ чемпионатына къатышыргъа эркинлик берилгенди. Ол а жууукъ заманда Къазахстанны Тараз шахарында боллукъду. Суратда: Этезланы Владимир, Ангелина Лазаренко тренер Виолетта Шпанагель бла.
Поделиться:
Читать также:
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
15.04.2024 - 10:18 →
Район къауумланы араларында - эришиуле
| ||
