Полис сатып алгъан сакъатлагъа себеплик

ОСАГО полис сатып алгъан сакъатла, аны ючюн тёлеген ахчаларыны экиден бирин артха къайтарыргъа боллукъдула. Аллай амал алагъа борчлу халда страхование этиу бла байламлы закон бла бериледи, деп билдиргендиле Къабарты-Малкъарда МФЦ-дан.

Полис ючюн тёленнген ахчаны экиден бирин, медицина жумушларына автомашина керек болгъан сакъат сабийле (неда аланы келечилери) да къайтарыргъа боллукъдула. Алагъа улоу изленнгенини юсюнден энчи реабилитация программаларында жазылыргъа керекди.

Компенсация жаланда бир ОСАГО полис ючюн къайтарылады. Ол кеси да анда экиден кёп водитель жазылып болмаса. Ахчаны излеп полисни жарашдыргъандан сора бир жылны ичинде сёлеширге жарайды. Ол жумуш бла Социал фондну бёлюмюне неда «Мени документлерим» арагъа барыргъа керекди. Дагъыда «Госуслуги» порталда жазылыргъа онг барды.

Адамны къолунда ма бу къагъытлары болургъа керекдиле:

- заявка бергенни (неда келечини) инсанлыкъ документлери;

- сакъат болгъанына шагъатлыкъ этген документ;

- энчи реабилитация программа;

- сакъатны (неда аллай сабийни) келечисини тийишли эркинлиги болгъанына шагъатлыкъ этген документ;

Компенсация бериллигини юсюнден оноу беш кюнню ичинде этиледи. Ахча да аллай бир заман озгъунчу тёленеди.

Улбашланы Мурат хазырлагъанды.
Поделиться: