Барысын да озгъандыла

«Мамыр Кавказ» деген XII битеуроссей маданият-спорт фестивальны чегинде Владикавказда аскер къол тюйюшден эришиу къуралгъанды. Анга къыралны башха-башха регионларындан эки жюзден аслам гёжеф къатышханды. 

Республикабызны спортчулары, аслам майдал къытып, битеукомандалы эсепде биринчиле болгъандыла. «Алтынланы» кеслерини ауурлукъларында Байтуугъанланы Алан, Семенланы Салим, Кантемир Шорданов, Марат Кодзоков эм башхала алгъандыла. Экинчи эм ючюнчю жерлеге Жаппуланы Мансур, Ратмир Нагоев, Темирлан Кодзоков эм талай башха спортчу чыкъгъандыла.