Жангылыкъла

Элбрус районда жангы канализация коллекторну къурулушуна хазырланыу ишле бардырыла турадыла, деп билдиргендиле республиканы Къурулуш эмда жашау журт-коммунал мюлк министерствосундан.

Кёп болмай, «Иш кёллю Россей» жамауат организацияны Къабарты-Малкъарда бёлюмю къурап,  Нальчикде «Decorator» салонда  «Франшиза: эки жанындан да кёз къарам» деген ат бла «тёгерек стол» ётгенди.  Бу жол анга жыйырмагъа жууукъ предприниматель къатышханды.

 Къабарты-Малкъарда «Къоркъуусуз  республика» комплексни айнытыу ишле кезиу-кезиу бардырыла туруучудула. Аны чеклеринде социал объектледе, кёп адам жыйылыучу жерледе, школлада, сабий садикледе, административ мекямлада эмда уллу сатыу-алыу комплекследе видеокамерала орнатадыла.

Бу кюнледе Нальчикде Кёп функциялы жаш тёлю арада «Россейни студент къауумлары» деген организацияны регион бёлюмюню келечилерини жыйылыуу ётгенди, деп билдиреди Араны медиа проектлери эм  муниципал  къуралыулада жаш тёлю бла ишлеу жаны бла баш специалисти Атмырзаланы Аминат.

Шимал-Кавказстатдан билдиргенлерича, Къабарты-Малкъарда биринчи кварталда урлукълукъну хазырлап башлайдыла. Быйыл да ол тёре бузулмагъанды. Ишчи кюнле башланнганлай  Беларусь Республикагъа нартюхден  фитосанитар сертификацияны ётген  125 тонна урлукъ ашырылгъанды.  Бюгюнлюкде да  бу жаны бла иш къыстау барады.

Эсге сала айтсакъ,  жыл сайын Къабарты-Малкъарда  нартюхню гибрид тюрлюсюнден 15 минг тонна чакълы жарашдырылады. Аланы арасында эртте эм кеч чакъгъанла да бардыла. Ол толусунлай эл мюлклени эм миллет стандартны излемлерине келишеди  эм къоркъуусузду.
 

Ахыр беш жылны ичинде Къабарты-Малкъарда онтёрт спорт объект (39 минг квадрат метр) ишленнгенди, деп айтылады республиканы Правительствосуну порталында билдириуде. Шёндюгю пятиборье бла кюреширге онг берген жангы комплекс бизни республикада биринчи кере къуралгъанды. Анда 50 метрлик бассейн барды. 

Федерал налог службаны Къабарты-Малкъарда управлениясындан билдиргенлерича, энди налогла жаны бла тазирлени, къошакъ тёлеулени, процентлени юслеринден СМС  неда электрон почта бла билирге боллукъду.

• Сабийге берилген пособие, анга жыл бла жарым толгъунчу, атасы неда анасы ишге чыкъсала окъуна сакъланырыкъды (2023 жылда 19 декабрьден № 614-ФЗ эм № 620-ФЗ федерал законла). Юйден ишлегенлеге неда толу кюн урунмагъанлагъа да аллай онг бериледи энди. Тийишли закон быйыл биринчи январьда кюч алгъанды. 

Кёп болмай «Россети Северный Кавказ» – «Каббалкэнерго» биригиуню специалистлери рейдни кезиуюнде эсеплеген приборсуз эм тийишли келишим этилмей   электрокючню хайырланнганаларына 225 шартны ачыкълагъандыла.

Кёп болмай «Иш кёллю Россей» жамауат организацияны Къабарты-Малкъарда бёлюмюню толтуруучу таматасыны орунбасары Таумурзаланы Салидат КъМР-ни цифралы айныу министри Бёзюланы Аскер бла тюбешгенди.