|
Календарь событий
11 октября 2019
11 октября, 2019 - 08:19
Нальчикде къол тутушдан Россейни МВД-сыны битеуроссей чемпионаты барады. Ол 9 октябрьде ачылгъанды, эм къарыулуланы атлары уа 13октябрьде белгили боллукъдула. Чемпионатха къыралны субъектлеринден ич ишле органланы 500 келечиси къатышадыла.
11 октября, 2019 - 08:19
(баргъаны)
П
Пай - ашыкъ не башха оюн ойнагъанда, къытхан алыучу ёч.
Педагы - тауусулгъан сабан агъачны жамауу.
11 октября, 2019 - 08:19
Эл мюлк жерледе заранлы битимлеге къажау иш не заманда да бардырылып турургъа керекди. Ансыз иги тирлик алыуну юсюнден айтыр амал боллукъ тюйюлдю. Быллай хансла топуракъны тозуратадыла, эл мюлк битимлени ёсюмюне чырмау этедиле.
11 октября, 2019 - 08:19
Пензада жыжымны тартыудан Россейни кубогу бардырылгъанды, анда 720-1000 килограмм ауурлукъ къауумда бизни командабыз биринчи жерни алгъанды. Ала бла республиканы Спорт министерствосунда тюбешиу болгъанды.
Эришиуге эр киши, тиширыу эм къатыш командала къатышхандыла. Хар команда 8 спортчудан къуралгъанды, бир адам запасной болгъанды. Бизни командагъа Сослан Дзуганов, Ахмед Курашев, Казбек Тхамитлоков, Игорь Афаунов, Мусарби Кудашев, Рустам
11 октября, 2019 - 08:17
Кюз айла. Жылны бу кезиуюнде кюнню халы сутканы ичинде бир ненча кере тюрленеди. Эсине тюшсе, жиляр, ызы бла уа къарап-къарагъынчы ойнап, кюлюп башлар. Бутларында, беллеринде жел ауруулары болгъанла, радикулитден къыйналгъанла алгъадан окъуна биледиле кюн бузуллугъун, хауа тюрлениригин. Къанларыны басымы кётюрюлюп, жюреклери ауругъанла уа? Гипертоникле? Кюнню былай терк-терк тюрлене, бир жауа, бир ачыла тургъаны кимден да алагъа къыйынды. Аны юсюнденди Огъары Малкъарда больницаны баш врачы Чаналаны Аслижан бла ушагъыбыз.
11 октября, 2019 - 08:17
Тюнене Къабарты-Малкъар къырал университетде ариулукъгъа бла саулукъгъа жораланып «Вершина Кавказа» деген ючюнчю халкъла аралы форум, Жаш стоматологланы биринчи битеуроссей конференциялары эм «Междисциплинарная стоматология» олимпиадалары да башланнганды.
11 октября, 2019 - 08:17
Хасаниядан Жангуразланы Алий кёп сейирлик ишлеге къатышханды. Ол Сочиде Олимпиада оюнлада, «Формула-1» эришиуде, футболдан дунияны чемпионатында эм талай башха даражалы турнирледе волонтёр болгъанды. Алий Къабарты-Малкъар къырал университетни Туризм эм сервис факультетин тауусханды, юридический жаны бла да билим алгъанды. Бизни бла ушагъында ол кёрген сейир затларыны, быллай уллу эришиуле къалай къуралгъанларыны юсюнден хапарлагъанды.
11 октября, 2019 - 08:17
Сыйлы Къуранда «Аллахны файгъамбары сизге аламат юлгюдю…», деп жазылады. Бу статьяда Мухаммад файгъамбар, Аллахны саламы анга болсун, саулукъ бла байламлы толтургъан тёрелени юслеринден айтыргъа сюебиз. Бюгюнлюкде тинтиуле бардырылып, аланы адамны санларына хайырлылыкъларын илму да тохташдыргъанды. Аны юсюнден бизге «Аль-Азхар» ислам университетни бошагъан Аккайланы Хасим хажи айтады:
11 октября, 2019 - 08:17
Къайдан да чыкъгъан болур эдиле бу наркотикле? Нечик палах салып барадыла халкъгъа. Бизни миллетге аны ууу жетмез деп тура эдим да, жарсыугъа, болмады алай. Аны хатасындан къаллай юйюрле чачылып, гунч болгъандыла. Ма аллай бирини юсюнден сизге хапар билдирирге сюеме.
11 октября, 2019 - 08:12
Росгвардияны аскер оркестри Нальчикде концерт бергенди. Звездный элден аскерчиле абаданла эм сакъатла тургъан интернатда къонакъда болгъандыла
11 октября, 2019 - 08:12
Кёп болмай «ТурСтат» агентство, Россейде гара сууну бла балчыкъны хайырланнган курортланы рейтингин бардыргъанды. Анга кёре, биринчи он тизмеге Аушигерни жылы суулары да киргендиле. Рейтингни чеклеринде курортха къаллай сурам болгъаны, солугъанлагъа таплыкъгъа болумну къурамы да тергелгендиле.
11 октября, 2019 - 08:12
Нальчикде жашагъан эгешчиклени - Бёзюланы Лейланы, Жамиляны, Аминаны хунерлиликлерин кёпле биледиле эм жаратадыла. Алыкъа жыл санларына кёре гитче болгъанларына да къарамай, жетишимлери бла ата-аналарын, жууукъларын, устазларын да къууандыргъанлай келедиле. Алгъаракълада биз ала Сочиде «Мисс мира» брендни мурдорунда «Горный бриллиант» коллекцияны кёргюзтюуге къатышып, сахнагъа миллет жыйрыкълада, кямарлада чыкъгъанларын билдирген эдик.
11 октября, 2019 - 08:12
Росгвардияны КъМР-де Управлениясында СОБР-ны отряды къуралгъанлы 26 жыл толгъанына аталып, къууанчлы жыйылыу болгъанды. Ол борчларын толтургъан кезиуде аманлыкъчыланы къолларындан ёлгенлени хурметине эсгертмеге гюлле салыудан, минут шумсуз туруудан башланнганды.
11 октября, 2019 - 08:12
Бу кюнледе КъМР-ни Жарыкъландырыу, илму эм жаш тёлюню ишлери жаны бла министерствосунда Акъылбалыкъ болмагъанланы ишлери эмда аланы эркинликлерин къоруулау жаны бла правительстволу комиссияны жыйылыуу болгъанды. Анда сабийлени жай солуулары, аланы иш бла жалчытыу къалай къуралгъанына, право бузукълукъладан тыяр, отдан сакълар ючюн не мадарла этилгенлерине, аланы эркинликлери къалай къорууланнганына къаралгъанды.
11 октября, 2019 - 08:11
РФ-ни Следствие комитетини КъМР-де следствие управлениясыны къуллукъчулары 26-жыллыкъ жаш адамгъа ачылгъан уголовный ишни тинтип бошагъандыла. Ол РФ-ни УК-сыны 105-чи статьясыны 1-чи кесегине кёре терсленеди (мурдарлыкъ).
Следствияны оюмуна кёре, быйыл 30 июльда ингирде 20 сагъатда ол танышы бла аракъы иче болгъанды. Аны кезиуюнде даулашып, ишекли нёгерин столда тургъан бичакъ бла бек аздан сегиз кере ургъанды. Алгъан жараладан ол алайда ауушханды.
Материалла сюдню къараууна берилгендиле.
11 октября, 2019 - 08:11
Къайсы бирибизни да, къайда ёссек да, сабийлигибизден жюреклерибизни теренинде тюйрелип къалгъан къарт аппала, ынначыкъла эсибизден бир заманда да кетмейдиле. Ала жаланда олтургъан ныгъышларыны, тийрелерини берекети болуп къалмай, саулай да жерибизни, жамауатыбызны берекети болгъанын жыл саныбыз гитчечикде, жарсыугъа, ангылаялмайбыз. Ол байлыкъны энчилигине, теренлигине тюшюналмайбыз. Жашау къуруда алай саркъырыкъ сунуп, сабийлигибизге хорлата, аны зауукълугъуна бёленебиз.
11 октября, 2019 - 08:11
Кёп болмай Къабарты-Малкъар къырал университетде Архитектураны кюнюн белгилегендиле. Анга архитектура, къурулуш эм дизайн институтну (ИАСиД) преподавательлери, студентлери эм башхала къатышхандыла.
11 октября, 2019 - 08:11
Бизни къыралда агъачланы эркинликсиз къырыу бу мюлкде бек уллу проблемалагъа келтирген жарсыулу ишледен бириди дерчады. Аны хатасындан кийик жаныуарланы, къанатлыланы саны азаяды, хауаны къурамы да тюрленеди. Аны себепли КъМР-ни Табийгъат байлыкъла эмда экология министерствосу ол жаны бла жууаплылыкъны юсюнден къайтарып эсгертеди.
Закон бла отун хазырларгъа эркинлик республиканы Агъач планына эмда агъач мюлклени регламентлерине тийишлиликде бериледи.
11 октября, 2019 - 08:11
Къыралда рынок халла башланнганлы «Иш къайда табайым?» деген соруу адамланы къайгъы этдиргенлей келеди. Кертиди, бизни республика адамы кёп, ишлер жери уа аз болгъаннга саналады. Алай адамла бла сёлеше келсенг, ала иш ахырысы бла да жокъду деп айтмайдыла, башха сылтаула этедиле – жюрегим тартхан иш табалмайма, даражасызды, хакъы азды…
|