|
Календарь событий
17 апреля 2019
17 апреля, 2019 - 10:16
Хурметли жамауат!
Бир тюрлю сылтаула бла сиз «Заманны» быйылны тёрт айында алалмай тура эсегиз, халны тюзетирге онг барды. 28-чи апрельге дери, почтагъа барып, жазылыуну жарашдырсагъыз, ана тилибизде чыкъгъан газетни 1-чи майдан окъуп башларыкъсыз.
Жазылыуну эки айгъа багъасы – 204 сом 26 капек.
Бизни индексибиз – 51 532
17 апреля, 2019 - 10:15
Уллу Хорламны 74-жыллыгъына
Бизни къыралны тиширыулары гитлерчи фашизмни ууатыугъа уллу къыйын салгъанлары белгилиди. Аладан миллионнга жууукъ адам Сауутланнган Кючлени сатырларында къуллукъ этгендиле, душманла бла партизан отрядлада эм аланы тылларында сермешгендиле. Производствода эр кишилени алышындыргъандыла, промышленность сырьё бла жалчытхандыла, жаралылагъа къарагъандыла.
17 апреля, 2019 - 10:13
Кёп болмай Тебердада белгили жарыкъландырыучу Кърымшамхалланы Исламны юйюнде аны аты бла бардырылгъан 11-чи окъуула ётгендиле. Тёрели жыйылыугъа миллетни дунияны кёп къыралларында жашагъан илму интеллигенциясыны келечилери чакъырыладыла.
17 апреля, 2019 - 10:03
КъМР-де УФСИН-ни энчи отрядында «Эркинликге чыгъыуну школунда» деген ат бла тюбешиу бардырылгъанды. Тутмакъланы аллында бёлюмню начальниги, инспектор Индира Гедгафова сёлешгенди.
17 апреля, 2019 - 10:00
Кёп болмай Нальчикде Россейни акушер-гинекология обществосуну школуну (РОАГ) перинатал медицина эм неонатология темагъа жораланнган жыйырма бешинчи регион аралы конференциясы болгъанды. Анга Шимал Кавказдан беш жюзден аслам специалист къатышхандыла, ол санда КъМР-ни саулукъ-сакълау министри Марат Хубиев да.
17 апреля, 2019 - 09:55
Жууукъ заманда Ленин атлы проспектде автобусла тохтагъан жерле жангыртыллыкъдыла. Аланы тюрсюнлерин нальчикчиле кеслери сайлагъандыла, деп билдиргендиле шахар округну администрациясыны пресс-службасындан.
17 апреля, 2019 - 09:50
Черек районну Къашхатау элинде жууукъ заманлада саулукъну кючлендириу эмда башха жумушланы да толтуруу жаны бла комплексни къурулушу башланырыкъды. Анда спортну кёп тюрлюлери бла кюреширге онг берген кенг эмда хар кереклери болгъан отоуладан сора да, бассейн да боллукъду.
17 апреля, 2019 - 09:47
Россей Федерацияны регионларында илму-производстволу кооперацияны системасын къурау жаны бла проектни къыйматлы тамамлар умутда Кърым республикада эл мюлкню илму-излем институтунда регионла аралы кенгеш бардырылгъанды кёп болмай. Аны РФ-ни Илму эм бийик билим бериу министерствосу бла Илмуланы россей академиясы къурагъандыла. Бизни республикадан анга Къабарты-Малкъар къырал аграр университетни келечилери къатышхандыла: профессор Ирина Ханиева, агрономия факультетни студенти Ахмед Саболиров бла аспиранты Астемир Алоев, деп билдиргендиле вуздан.
17 апреля, 2019 - 09:45
ВИЧ (вирус иммунодефицита человека) бла жашау этер амал бармыды? Ол жукъгъан аурууду, къан бла жайылады. Къанында ВИЧ болгъан адамны саны – чархы не бош аурууну да хорлаялмайды, иммунитети жокъду. Былтыр Россей Федерацияда вирус жукъгъанланы саны миллиондан атлагъанды. Жарсыугъа, Къабарты-Малкъарда аны юсюнден ачыкъ айтыргъа, проблеманы сюзерге сюймейдиле, аны хатасындан кёпле аурууну къапханына тюшедиле.
17 апреля, 2019 - 09:40
Тиширыуну баш борчу - сабийле ёсдюрюудю, юйню от жагъасын сакълауду, аны турмушну тапландырыуду. Ол бизни ата-бабаларыбыздан келген тёреди, битеу динле да аны излейдиле.
17 апреля, 2019 - 09:30
Предпринимательство бла кюрешгенде адам къаллай тыйгъычлагъа тюберге боллугъуну эмда бу ишни энчиликлерини юсюнден Май районда бардырылгъан «тёгерек столда» айтылгъанды. Анга КъМР-ни Энергетика, тарифле эмда жашау журтлагъа надзор этиу министерствосуну, Сатыу-алыу палатаны, «Бюро-Контур» компанияны, жер-жерли администрацияланы, предприятияланы, организацияланы, жамауат биригиулени келечилери эмда бизнесменле къатышхандыла. Жыйылыуну бардырыугъа Къабарты-Малкъарда предпринимательлени эркинликлерин къоруулау жаны бла Уполномоченныйни аппаратыны специалистлери себеплик этгендиле.
17 апреля, 2019 - 09:25
Къабарты-Малкъарда Басхан эмда Лескен районлада электросетьледе бирикген информация-эсеплеу комплексни (ЕИВК) сингдириу барады, деп билдиргендиле «МРСК СК» компанияны республикада бёлюмюнден.
17 апреля, 2019 - 09:20
Нальчикде «Акрополь» солуу-той-оюн арада саулукъларында кемчиликлери болгъан сабийлеге «Биз биргебиз» деген проектни чеклеринде слёт болгъанды. Анга жюзден артыкъ сабий, аланы ата-аналары, волонтёрла, тренерле эмда психолог къатышхандыла.
17 апреля, 2019 - 09:15
Арт кезиуде жаш тёлю къабыргъасын жашаугъа жарашдыра, аны бла бирге уа тутхан ишлеринде юлгюлю да болгъанлары ахшы ышанды. Нальчикде «Альбион» лингвистика ара (Толстой атлы орам, 180) ачылгъанлы алай кёп заман озмагъан эсе да, бери кёпле жюрюйдюле. Биз, аны директорларындан бири Мисирланы Фатимагъа тюбеп, школну ишини юсюнден ушакъ этгенбиз.
17 апреля, 2019 - 09:10
Орёл шахарда всестилевой каратеден 12-18-жыллыкъ спортчуланы араларында Россейни биринчилиги бардырылгъанды, анда хорлагъанлагъа дунияны биринчилигинде сермеширге онг берилгенди. Анга къыралны 52 регионундан 1500-ден аслам адам къатышхандыла. Къабарты-Малкъарны командасы каратени эки бёлюмюнде – толу контакт эм къорууланыу амалла бла толу контакт – эришгенди.
17 апреля, 2019 - 09:05
Грозныйде каратеден 12-13-жыллыкъ спортчуланы араларында СКФО-ну биринчилиги бардырылгъанды. Анда хорлагъанлагъа Россейни биринчилигинде эриширге онг берилгенди.
17 апреля, 2019 - 09:00
Он жыл мындан алгъа Жанхотияда Элбрус районну олимпиада резервли спорт школуну ауур атлетикадан бёлюмюню филиалы ачылгъанды. Огъурлу иш районну физкультура эм спорт комитетини башчысы, элледе спортну айнытыугъа къайгъыргъан Жаппуланы Магометни башламчылыгъы бла толтурулгъанды. Аны мектепни ол кезиудеги директору Сотталаны Борис къабыл кёрюп, жарау этерге билим берген учрежденияны эски мекямын бергенди. Аны жангыртыугъа ахчаны уа Бахсан районну администрациясыны алгъыннгы башчысы Артур Каздохов бёлгенди. Къолларындан келгенича элчиле да болушхандыла.
|