Календарь событий

13 февраля 2019

Бийик аскер окъуу юйледе окъургъа сюе эсенг…

    Къабарты-Малкъар Республиканы Нальчикдеги аскер комиссариаты 2019 жылда Россей Федерацияны Къоруулау министерствосуну, башха министерстволаны бла ведомстволаны бийик билим берген аскер окъуу юйлерине кирирге сюйгенлени араларында сайлаула башланнганларын билдиреди. Аны юсюнден толу хапар билир ючюн аскер комиссариатха келирге керекди. Аны адреси: Нальчик ш., Вологиров ор.,26 (45-чи номерли кабинет).

Москвадан – тогъуз майдал

   Москвада «Олимпийская деревня-80» спорт комплексде грек-рим тутушуудан ара шахарны биринчилиги болгъанды, андан Къабарты-Малкъардан гёжефле тогъуз майдал келтиргендиле.

Окъуучулагъа – зауукълу эришиуле

«Гитче-футболну – школгъа» деген битеуроссей проектни чеклеринде Нальчикде республикалы эришиу къуралгъанды.

Предпринимательлеге не бла билеклик этилгенин айтырыкъдыла

   КъМР-де гитче эмда орта бизнесни айнытыу жаны бла Корпорация, республиканы Правительствосуну болушлугъу бла, бюгюн эмда тамбла семинарла бардырлыкъды. Алада предпринимательлеге бу Корпорация эмда «МСП Банк» акционер общество финансла, гарантияла эмда лизинг жаны бла къаллай болушлукъ бергенлерин билдирликдиле. Аны бла бирге предпринимательлени уллу заказчиклени излемлерин жалчытыуну энчиликлери бла шагъырейлендирликдиле.

Бийик билим алып чыгъар онглары барды

          Тюзетиучю учреждениялада тургъан тутмакъланы да энди  бийик билим алыр онглары барды. Москвада  "Синергия" финанс-промышленный университетни  регион келечиси  Владимир Кулагин  бу кюнледе  КъМР-де УФСИН-ни  колонияларында болгъанды эмда  анда тургъанланы вузну   факультетлери, билим бериу программалары бла да шагъырей этгенди, окъутуу  къалай къуралгъанындан  да   хапар айтханды.

Акъыл къудуретден жаратылгъан буруннгулу эм сейирлик байлыкъ

                                                              Халкъны  кёлден  чыгъармачылыгъы
    Жашауубузда, турмушубузда тюбеген затланы эслей, аланы магъаналарына тюшюнюрге да излейсе. Бирде  окъууу, жазмасы болмагъан халкъ кесини  эсинде, ангында къаллай бир байлыкъны сакълагъанына тамашагъа къаласа.

Бек къыйын кезиуледе солдатланы алгъа элтгенди

 Уллу Хорламны  74-жыллыгъына
Хабазчы жаш Тюбейланы Хаким билимге итиннгенди. Эл школну бошагъандан сора Пятигорскда рабфакга киргенди, ызы бла Нальчикде пединститутда окъугъанды. Бек мамыр усталыкъда ишлер, атасы Хажи-Омарча, жамауатына жарар акъылы бар эди, алай кюйсюз уруш аны умутларын бир да жан аурутмай юзгенди.

Устазла финансла жаны бла билимлерин ёсдюргендиле

   Къабарты-Малкъарда къошакъ билим бериу жаны бла «Тохтаусуз айнытыу арада» «Тюрлю-тюрлю категориялы окъуучуланы финансладан билимлерин ёсдюрюрча курсланы къурау эмда методикасы» деген программагъа кёре дерсле къуралгъандыла. Аны финансла жаны билим берген Шимал-Кавказны халкъла аралы методика арасы (ММЦ) бардыргъанды. Анга республиканы окъуу учрежденияланы эм профессионал билим бериу организацияланы устазлары къатышхандыла. Ала энчи эм юйюрню финанслары, финанс инструментле эм аланы къыйматлы хайырланыу жаны бла теорияны ётгендиле.

Бир кере да жангылмагъан сапёр

     Акъ-Суудан Махийланы  Юсюпню жашы Жагъафарны 1984 жылда жаз башында чакъыргъан эдиле аскерге. Узакъ да бармай, Дондагъы  Ростов тийресинде орналгъан  окъутуу аскер бёлюмге тюшеди. Эки ай турады жаш анда. Кече-кюн да  топдан атдырыргъа тюшеди. Марагъан илишанын агъызмай къоймайды. Аны ючюн командирлеринден кёп кере ыспас ала тургъанды.

Теркирек аякъландырырча

   Быйыл Россейде гитче мюлклеге себепликге деп къырал 15,3 миллиард сом къоратырыкъды. Озгъан жыл бла тенглешдиргенде (11 миллиард) ол 40 процентге асламды, деп билдиргендиле КъМР-ни Эл мюлк министерствосундан.

Ал тергеулеге кёре, ахча 3200 фермер мюлкге бла эл мюлк кооперативге юлешинирикди. Дагъыда «Фермерлеге себеплик этиу системаны къурау эмда элледе кооперацияны айнытыу» деген федерал проектни чеклеринде быллай мюлклени бла кооперативлени айнытыугъа къошакъ халда 5,3 миллиард сом берилликди. Аны хайыры бла быйыл 18200 чакълы жангы предприятие  къураллыкъды.

Республикабызны боксчулары - ючюнчюле

    Тырныауузда боксдан халкъла аралы матч эришиуле бардырылгъандыла. Алагъа Россейни, Польшаны, Азербайджанны бла Къабарты-Малкъарны жыйымдыкъ командалары къатышхандыла.

Жаяу жюрюгенлеге жол къоркъуусуз болурча

  Чегем шахарда «Долина Кавказа» жашау журт комплексде жашагъанла къырал машина жолну (шоссени) бир жанына  къыйналып  ётгенлерин КъМР-де битеуроссей миллет фронтну бёлюмюне (ОНФ) билдиргендиле. Ала  жамауатны тарыгъыуун Росавтодорну  автомашина жоллагъа къарагъан «Кавказ» управлениясына жибергендиле.
 

Турбизнесни жетишимли бардырыуну жашырынлыкъларын ачыкълау

Кёп болмай Къабарты-Малкъар къырал университетде  «Leisurebusinesstravel» тюрк компанияны   таматасы Илимдар Риза  студентле бла тюбешгенди эмда туризм жаны бла бизнесни къурауну, ол жетишимли ишлерча не этерге керек болгъаныны юсюнден ушакъ бардыргъанды.

Азатлыкъны жарыгъы

                                         Жууапла табылмагъан соруула
Мен кимме, къайданма, киши жерине къалайлыкъ бла тюшгенме, не болгъан эди манга, мени атама бла анама, тенглериме, миллетими адамларына деген акъыл башыма биринчи кере къачан келгенин шёндю эсиме тюшюралмайма, тюзюн айталлыкъ тюйюлме. Жаланда мен билген – аллай сагъышла башыма эртте киргендиле, мен школгъа жюрюп башлагъынчы, окъургъа эм жазаргъа юйреннгинчи.