Билим

Билимлерин ёсдюрюрге чакъырадыла

Россейни МИД-ини къыралыбызны ара шахарында халкъла аралы байламлыкъла институту бла ООН-нга болушлукъ этген Россей ассоциация Къабарты-Малкъар къырал университетни студентлерин ООН-ну Москвада халкъла аралы Виталий Чуркин атлы моделине къатышыргъа чакъырадыла. Ол 14-19 апрельде МГИМО-ну мекямында (Москва, Вернадский атлы проспект, 76) бардырыллыкъды.

Ахшы амалланы кийиргенди

Узакъ тау эллерибизни школларына Советлени къыралыны кезиуюнде башчылыкъ этгенлеринден сора да, мектеплени даражаларын кётюрюуге, аланы тапландырыугъа да эс бургъан, кёллери бла ишлерине берилгенлерибиз аслам болгъандыла.

Эл мектепни тамбласы бизни къолубуздады

Билим бериуге, ёсе келген тёлюлени юйретиуге, заманны излемлерине кёре, аслам эс бурулады. Терс-Къолда бу иш къалай къуралгъаныны юсюнден элни орта школуну директору Залийханланы Лейля билдиргенди. 

Репетиторла: хайырындан хатасы оза болурму?

Не заманда да школлада иги, аман окъугъанла да болгъандыла. Совет жыллада къарыусузлагъа болушуучу эдиле. Алай бусагъатда кёпле сабийлерин репетиторлагъа жюрютедиле. Ол игимиди, аманмыды? Аны юсюнден Нальчик шахардан орус тилден бла литературадан устаз Чочайланы Аслижан айтханды:

«Билимими туугъан жеримде хайырланыр умутлума»

Жаш тёлюбюз не жаны бла да жетишимли бола, окъууда, ишде да кеслерини атларын иги бла айтдырсала, аланы ёсдюргенле, юйретгенле бла бирге биз да къууанабыз эмда кёлленебиз. Бюгюнлюкде билим бериуде болгъан тюрлениулени себепликлеринден аланы къыралыбызны жер-жерлеринде билим алыр онглары да барды. Танг кесеги уа ара шахарыбызны бийик окъуу юйлерине киредиле. Аладан бири уа хасаниячы къыз Чочайланы Марьянады.

Жаш тёлюге себеплик этген ахшы проектле

Къабарты-Малкъар гуманитар-техника колледжде «Профессионалитет» федерал проектни чеклеринде ачыкъ эшиклени  кюню болгъанды. Бу жумушха окъуучула, башха колледжлени студентлери, аланы аталары-аналары, тюзюнлей къараргъа сюйген адамла да къатышхандыла. Программада экскурсияла, иш бла жалчытхан организацияланы келечилери бла тюбешиуле  да болгъандыла.

Жангы амалланы излегенлей турады

Кеслерине махтауну излемей, харкюнлюк ишлерин билгенлерича бардыра, окъутханларындан, бирсиледен да ыспас ала ишлеген педагогларыбыз кёпдюле. Аны алайлыгъына дайым да тюшюне, билим бериу, юйретиу жаны бла да аслам зат тюрлене, сурамла да ёзгере баргъан заманда сайлагъан усталыкъларына кертичилей къалып, аны бла бирге уа жетишимли болгъанлагъа бютюнда хурмет этесе.

«Миллетинги адамына санай эсенг, ана тилингде сёлеширге кюреш»

Тыш къыраллы тиллеге юйреннгенде къаллай кемчиликле этебиз, шёндюгю заманда кёп тилни билген нек магъаналыды, ол жашауда къалай болушады? Бу затланы юслеринден биз Атабийланы Аминат бла ушакъ этгенбиз. Ол ингилиз, япон, къытай эм корея тиллени биледи. Бюгюнлюкде «Лингвист» школда ингилиз тилден устазды, аны бла бирге тыш къыраллы тиллеге юйренирге сюйгенлеге интернетни болушлугъу бла дерсле береди. Кеси да тёрт жылны Къытайда жашап, сабийчиклени   юйретип тургъанды.  

Къыйматлы программаны ишин эсеплегендиле

Кёп болмай Россей Федерацияны Илму эм бийик билим бериу   министерствосунда «Приоритет-2030» стратегиялы программагъа къошулургъа сюйген билим бериу организацияланы айырырча комиссияны кенгеши болгъанды. Аны чеклеринде алгъаракъдан бери анга къатышхан университетле къаллай жетишимле болдуралгъанларын да билдиргендиле.

Кредитле къалай къураладыла?

Россейни Финансла министерствосу, «Моифинансы.рф» проектини чеклеринде бардыргъан «Кредит математика: кредитле къалай къуралгъанларын билейик» деген битеуроссей онлайн-марафоннга къатышыргъа чакъырады барыбызны да.

Страницы

Подписка на RSS - Билим