Все статьи

Бирликни хорлар кюч жокъду

Россейни Донбассда бла Украинада бардыра тургъан энчи аскер операциясыны къыралыбызны къоркъуусузлугъун жалчытыуда, ол жерледе  мамыр халкъны жашауун сакълауда уллу магъанасы болгъанын   айтыр кереклиси болмаз. 

Эки халкъны арасында тейри къылышча

Бишкекде чыкъгъан «Ала-Тоо» атлы къыргъыз журналны бешинчи номеринде белгили малкъар жазыучу Шауаланы Хасанны анда жашагъан кезиуюню юсюнден эсгериулери чыкъгъандыла. 

Миллет сыйгъа тийишли жырчы

РФ-ни, КъМР-ни да сыйлы артисткасы, КъЧР-ни халкъ артисткасы Таукенланы Галинаны Къабарты-Малкъарны музыка санатында юлюшюн не бла ёнчелерге боллукъду?

Къоркъуусузлукъну жалчытыр муратда

Быйылны 1 июлюндан башлап экскурсоводла, гидле-тилманчла, инструкторла-проводникле да ишлерин бардырыр ючюн аттестатацияны ётерге керекдиле. Аны юсюнден республиканы курортла эм туризм министри Мурат Шогенцуков Регионнга оноу этиу ара бла тюзюнлей эфирни кезиуюнде айтханды.

Солугъандыла, ойнагъандыла, жангы билим алгъандыла

«Кавказ» санаторийде бюгюнлюкде республиканы битеу районларындан да сабийле солуп, саулукъларын игилендиредиле. Бу кюнледе уа алагъа къонакъгъа жолда жюрюуню къоркъуусузлугъуну инспекторлары, МЧС-ни келечилери бла от ёчюлтюучюле  келгендиле. 

Тёлю берген эм ёсген ташла

Румынияда Вылча районда Костешть элде тамаша затла кёрюрге боллукъду.

Къадалып кюрешсенг, итинсенг, не къыйын муратынгы да толтураллыкъса

Елена Продунова битеу дуниягъа аты айтылгъан гимнасткады. Ол Россейни спортнуну устасыды, Дунияны, Европаны чемпиону, Олимпиадалы оюнланы эки кере призёруду. 

Намысы, билими, халкъгъа сюймеклиги аны юсюнде окъ бла кепча бири бирин табып эдиле

Хубийланы Ахияны жашы Магометге жырчы десек – терс болмазбыз, не ючюн десегиз, «Жылларым бла жырларым» деген статьясында ол былай айтады: «Сен халкъынга не этгенсе, деп сорсала, 1200 жыр жыйгъанма, деп махтаныргъа боллукъма». Магомет ауушханлы 20 жыл ётген эсе да, жаннган жулдузлай турады. Ол себепден, ол бизге, халкъына, къойгъан фольклор эмда тин байлыгъына эс бёлейик.

Кюн сайын жылы как уллугъа-гитчеге да хайырлыды

Бармыды шёндю аш оруну тап ишлеген, чегилери къыйнамагъан? Бек аз. Сылтау а бирди – биз ашыбызны-сууубузну тап къурай билмейбиз. Бу проблеманы  юсюнден Нальчик шахарны биринчи поликлиникасыны врачы Гыжгыланы Разият бла ушакъ этгенбиз.

Хычин къайдан чыкъгъанды

Малкъар халкъда хант тепси хычинсиз болмагъанды. Алай хар тёреге неда байрамгъа энчи хычин этгендиле. Орам бла ётюп баргъан адам хычин ийис чыкъгъан юйге къайтмай къалмагъанды. Сёз ючюн, юй бийче къонакъгъа чакъырса: «Кел, хычинле бла сыйлайым», - деучю эди. Ол тёре бюгюн да къалмагъанды.

Жарыкъландырыучула

КъМР-ни 100-жыллыгъына

Бу сурат 1957 жылда Къашхатауда алыннганды. Анда олтургъанла (солдан онгнга) школну директору Шауаланы Миналданды,  Фёдор  Яковенкоду, Насталаны Сохтады эмда устаз Роза Сергеевады. Сюелгенле уа ол заманда тамата классланы окъуучуларыдыла. Бизни бюгюннгю хапарыбыз а Фёдор Михайлович Яковенкону юсюнденди. 

Гитче гидроэлектростанцияны къурулушу башланнганды

Кёп болмай РусГидро компанияны Къабарты-Малкъарда бёлюмю гитче Черек ГЭС-ни къурулушун башлагъанды. Бюгюнлюкде специалистле аны мурдорун хазырлап  кюрешедиле.  Ол «Россейде жангыртылыныргъа жарагъан энергетиканы айнытыу» къырал программагъа кёре бардырылады.

Балли бла шаптал жетгендиле

Баллини бла шапталны кезиую да башланнганды. Кёп бармай а персикле, нектаринле да бишерикдиле-алагъа алай кёп заман керекмейди. 

Айны бла кюнню тутулгъанлары

Бу айны бла кюнню тутулууларын ангылатхан къарачай-малкъар миф жомакъды. 

«Элбрусну саугъалары» ючюн къаты кюрешде

Бу кюнледе «Эльбрус» курортда тау лыжаладан «Элбрусну саугъалары» деген битеуроссей эришиуле бардырылгъандыла. Анда хорлагъанланы саугъалаугъа «Кавказ. РФ» акционер обществону директору Хасан Тимижев, аны орунбасары Беккаланы Хыйса, КъМР-ни спорт министри Хасанланы Ислам, Россейни Тау-лыжа спортдан федерациясыны президенти Леонид Мельников, Россейни Фристайлдан федерациясыны президенти Алексей Курашов къатышхандыла.

Адамланы жашауларын игилендирирге алланып

Кёп болмай РФ-ни Президенти Владимир Путин Къырал Советни президиумуну кенгешинде къурулуш эм жашау журт-коммунал мюлк бёлюмлени 2030 эмда 2035  жыллада айнытыуну стратегиясыны юсюнден айтханды.

Усталыгъын жюреги тартып сайлагъанды

Элбрус бийик тау излеу-къутхарыу отрядны башчысы Гюлюйланы Абдуллах Россейни МЧС-ини эм кёп саугъагъа тийишли болгъан къутхарыучуларындан бириди – кеси заманында анга «Халкъла аралы класслы къутхарыучу», «Россейни сыйлы къутхарыучусу» деген атла берилгендиле, ведомство да аны кёп кере белгилегенди. Къыйын болумлада адамланы къутхара кёргюзтген жигитлиги, ётгюрлюгю, адамлыгъы ючюн ол «Ата журтну аллында къыйыны ючюн» орденни экинчи даражалы майдалы бла саугъаланнганды.

Саулукълары осал эсе да, башхаладан кем болмагъанларын ангыларча

Августда КъМР-де саулукъларына  кёре чекленнген онглары  болгъан сабийлеге себепликге «Биз башхабыз. Алай тенгбиз» деген проект  толтурулуп башларыкъды. Ол 2022 жылда Шимал-Кавказ федерал округда жаш тёлю проектлени конкурсунда грант къытханды. Аны Жаш тёлюню ишлери жаны бла федерал агентство КъМР-ни Жарыкъландырыу эм илму министерствосуну болушлугъу бла къурагъанын айтырчады.  

Донбассдан келген гимнасткала эришиулеге хазырланадыла

Апрельде Нальчикде солуп кетген Донбассдан келген сабийле бюгюнлюкде Пятигорскда  художестволу гимнастикадан Битеуроссей эришиулеге хазырланадыла. Аны юсюнден  КъМР-ни Башчысыны бла Правительствосуну пресс-службасындан билдиргендиле.

Страницы