|
|
Все статьи
2 ноября, 2022 - 12:12
Тырныауузну вольфрам-молибден комбинатыны -Къабарты-Малкъарны промышленностуну баш магъаналы предприятиясыны - тарыхы анда ишлегенлени урунуу жигерликлери бла байламлыды. Анга уа мингле бла адамла кеслерини къошумчулукъларын этгендиле – шахтёрла, байыкъландырыучула, геологоразведканы бардыргъанла эм башха усталыкъланы келечилери.
2 ноября, 2022 - 11:00
Къабарты-Малкъардан бирси регионлагъа быйыл 200 минг тонна продукция жиберилгенди. Тенглешдирип айтханда, ол былтырдан кёп къалмай эки кереге асламды.
2 ноября, 2022 - 10:00
Качествосу осал болгъан товарны багъасын къайтарыргъа сюйгеннге закон бла неллай бир заман бериледи? Аны юсюнден Роскачествону хайырланыучуланы эркинликлерин къоруулау жаны бла бёлюмюню башчысы Игорь Поздняков хапарлагъанды:
2 ноября, 2022 - 09:05
Гитче эмда орта предпринимательствону айнытыу жаны бла федерал Корпорация (АО «Корпорация «МСП»), промышленностьха къыралны жанындан себеплик этиуню чеклеринде, продукцияларын сатаргъа энтта да бир жангы амал табаргъа сюйгенлеге эмда товарла алыргъа излегенлеге тийишли онгла береди, дегендиле КъМР-ни Экономиканы айнытыу министерствосунда.
2 ноября, 2022 - 09:05
Къабарты-Малкъарны Жамауат палатасыны кезиулю жыйылыуун ача, агропромышленный комплекс (АПК), табийгъат бла экологияны сакълау жаны бла комиссиясыны башчысы Юрий Колесников республикада мелиорацияны айнытыу уллу жерни алгъанын чертгенди.
2 ноября, 2022 - 09:05
Роскомнадзорну КъМР-де Управлениясында республикалы эм район газетлени келечилерине окъутуу семинар бардырылгъанды. Журналистлени газетлени басмалагъанда, интернет сайтланы жарашдыргъанда тыш сыфатларын къалай жарашдырыргъа кереклисине юйретгендиле. Къаллай кемчиликле болуучуларын, ала ючюн жууаплылыкъны да ангылатхандыла.
2 ноября, 2022 - 09:00
Совет власть бизнича миллетлеге берген игиликлени санасакъ, ол уллу хазнады. Ол байлыкъны бек аллында, айхайда, билим турады. Кертиди, алда да болгъандыла билимли адамларыбыз, алай ала асламысында арап окъуугъа тюшюннгенле эдиле. Кёнделенде тёрт межгит болгъанды. Алада медиреселеде башха элледен, Къарачайдан окъуна келип окъугъандыла. Къашхатау да ол кезиуледе уллу эл тюйюл эди, эки жюзге жууукъ юй. Алай анда Огъурлуланы Хажини медиресесинде элли-алтмыш жаш адам окъугъандыла.
1 ноября, 2022 - 19:28
Жашауунда кюн сайын бир жангы зат билген адамгъа насыплыды дерчады. Бюгюнлюкде халкъыбызны тарых байлыгъын, аны къуралыуу къалай болгъанын тохташдырыу, ачыкъланнган затланы да кенг жайыу керек жумушладан бириди. Аны магъаналыгъын ёсюп келген тёлюге ангылатыу а абаданланы борчларыды. Сёз ючюн, малкъарлыланы миллет кийимлерини юсюнден айта, энчи да тиширыула кийген жыйрыкъланы, аладагъы сейир окъала не себепден эм къалай бла сайланнганлары бек сейирди. «Мой дом Эльбрус» деген китапда аны юсюнден тынгылы информация барды. Аны автору Залийханланы Михаилгъа ыспас этерчады.
1 ноября, 2022 - 19:27
«Ёлюм къайда сатылгъанын айт» деген битеуроссей акцияны экинчи кезиуюнде КъМР-де МВД-ны наркотиклеге къажау управлениясында акъылбалыкъ болмагъанланы арасында наркотиклени жайыуну профилактикасын бардырыр муратда сабийлеге семинар ётдюрюлгенди.
1 ноября, 2022 - 19:25
Школланы кюз арты кезиуюнде Къабарты-Малкъарны жолларында «Каникулла, жол, сабийле!» деген аты бла профилактика ишле бардырыладыла.
1 ноября, 2022 - 18:42
Шимал-Кавказстатдан билдиргенлерича, биринчи октябрьни эсеплерине кёре, Къабарты-Малкъарны мюлклерини барында да 15,3 минг гектардан 264,8 минг тонна тахта кёгет жыйылгъанды. Былтыр бу заман бла тенглешдиргенде, ол 32 процентге кёпдю. Орта эсеп бла алып айтханда, быйыл бир гектардан 173 центнер жыйылгъанды, неда 30,4 центнерге кёп.
1 ноября, 2022 - 15:20
Ата журтуна, халкъына таза кёлю бла къуллукъ этген ахшы адамларыбызны арасында Чеченланы Шахан-Герийни жашы Шамилни энчи белгилерчады. Кесини махтаулу жолун ол жыйырмажыллыкъ жашлай башлагъанды. 1939 жылда педучилищени бошап, чекчи аскерледе къуллукъ этерге кетгенди. Ол Монголияны чегине жууукъда Забайкалье чекчи округда Дапурск чекчи отрядха тюшгенди.
1 ноября, 2022 - 14:50
Коррупциягъа къажау мадарланы бардыргъан кезиуде РФ-ни ФСБ-сыны КъМР-де Управлениясыны къуллукъчулары РФ-ни МСЧ-ини КъМР-де Баш управлениясыны бёлюмлеринден бирини башчысыны аманлыкъ ишин тохтатхандыла.
1 ноября, 2022 - 14:30
Агъачха от тюшмез ючюн жай эм кюз арты кюнледе бютюн сакъ болургъа керекди.
1 ноября, 2022 - 14:15
Быйыл сентябрьде Къабарты-Малкъарда пассажир транспортда барыр ючюн хакъны тёлеуде электрон амалны, ол санда карточкаланы, жюз минг кере хайырланнгандыла.
1 ноября, 2022 - 13:00
РФ-ни МВД-сыны Урван районда бёлюмюню патруль-пост службасыны къуллукъчусу быйыл 10 февральда Россейни Административ кодексини 20.20-чы статьясыны 1-чи кесегине бузукълукъ этилген инсанны ачыкълагъанды. Башхача айтханда, бир эр киши жамауат жыйылгъан жерде аракъы иче болгъанды.
1 ноября, 2022 - 11:30
Балконла бла лоджияла фатарны битеулю жерине кирмейдиле. Республиканы Кадастр палатасындан аланы араларында башхалыкъ неде болгъанын ангылатхандыла.
1 ноября, 2022 - 10:00
Къабарты-Малкъарны халкъ жазыучусу Тёппеланы Алим кёп жылланы ичинде малкъар эм къарачай элледе халкъ чыгъармачылыкъны жыйып айланнганды. Ол миллетибизни уучу фольклорун жыйып, басмагъа хазырлагъан эди. Жарсыугъа, жазыучу дуниясын алышхандан арысында ол къагъытла тас болуп, бюгюннге дери табылмай турадыла. Андан бир къауум таурух сакъланадыла. Мен сизни аладан бири бла шагъырей этерге сюеме.
1 ноября, 2022 - 09:35
Кюз келгени, къыш башланыр кезиулеге кесекле да жугъуп башлайдыла. Жётелге кёпле тарыгъадыла, алай ол къоркъуулу болуп къачан тебирейди, аны юсюнден врач-педиатр, оториноларинголог Евгений Степанович айтханды. Ол ангылатханыча, жётел – адамны чархыны къорууланыу амалларындан бириди, ёпкелени, хауа жолланы вирусладан, ауруула къозгъагъан тыш затладан тазалайды. Аны бла бирге уа саулукъда хар не да тап болмагъанын билдиреди.
1 ноября, 2022 - 09:05
Уфада Рима Баталовнаны атын жюрютген спорт арада грек-рим тутушуудан Башкъортостан Республиканы Башчысыны саугъаларына Россейни кубогу болгъанды, ол энчи эм командалы эсепледе бардырылгъанды.
Страницы
|
